Орталық аудандық кітапханада ең белсенді әрі кітапқа адал оқырмандарға арналған «Оқырман бенефисі – 2025» атты мерекелік іс-шара өтті. Бұл басқосу кітапты өмірінің ажырамас бөлігі санайтын жандарды біріктірген нағыз оқу мерекесіне айналды. Іс-шара барысында оқырман жылының қорытындылары шығарылып, кітап оқуға деген сүйіспеншілік, кітапханаға тұрақты келу және әртүрлі жанрдағы әдебиеттерге қызығушылық атап өтілді. 2025 жылдың үздік оқырмандары атанды:
В. И. Пистунова, Л. А. Локшина, К. М. Шадрина, А. П. Тарабарин, О. К. Едресов, Л. П. Белицкая

Бенефис қатысушылары сыйлықтар мен грамоталарға, лайықты құттықтаулар мен алғыс сөздерге ие болып, жағымды әсер алды. «Оқырман бенефисі – 2025» іс-шарасы жылы  атмосферада өтіп, қызықты ойын бағдарламасымен толықтырылды. Қонақтар үшін интеллектуалдық және әдеби ойындар ұйымдастырылып, қатысушылар өздерінің білімін, тапқырлығын және кітапқа деген сүйіспеншілігін қуана көрсетті.

Бенефистің ерекше бөлігі әр оқырманға берілген жеке мінездеме болды. Үздік оқырмандарға арналған жылы лебіздер олардың оқырмандық қызығушылықтарын, белсенділігін, кітапханаға деген адалдығын және кең дүниетанымын айқындады. Әрбір қатысушы кітапхана оқырмандар қауымдастығына үлес қосып жүрген жарқын да ерекше тұлға ретінде атап өтілді. Ойын сәттері баршаға көтеріңкі көңіл күй сыйлап, ал әр оқырманға көрсетілген ықылас пен жылы сөздер мерекені шын мәнінде әсерлі әрі есте қаларлық етті.