Іс-шараның мақсаты – отбасылық оқу мәдениетін қалыптастыру, отбасының рухани-адамгершілік құндылықтарын нығайту, кітапқа және бірлесіп кітап оқуға деген қызығушылықты арттыру, отбасылық оқу дәстүрлерін жаңғырту, сондай-ақ кітапхана мен отбасы арасындағы өзара ынтымақтастықты дамыту.

Іс-шара барысында кітапханашылар отбасыларға барып, қатысушыларды бірлесіп оқуға ұсынылатын көркем әдебиеттермен таныстырды, балалардың тәрбиесі мен отбасылық құндылықтарды нығайтудағы отбасылық оқудың маңызы жөнінде ақпараттық-түсіндіру жұмыстарын жүргізді.

Іс-шара соңында әрбір отбасына «Отбасы және кітап одағы» отбасылық оқу сағатына қатысқаны үшін сертификат табысталды.

Өткізілген іс-шара бірлескен кітап оқудың ұрпақтар сабақтастығын нығайтуға, балалар мен ересектердің рухани дамуына ықпал етуге және отбасылық дәстүрлерді сақтауға оң әсер ететінін тағы бір мәрте айқындады.