Іс-шараға құрметті қонақтар — ардагер ұстаз Досова Ж. С., қазақ тілі мен әдебиеті пәнінің мұғалімі Искакова Д. Ш. және «Оқитын мемлекеттік қызметші» марафонының қатысушысы Халимоненко А. Н. шақырылды.

Қонақтар республикалық марафонның мақсаттары мен маңызы туралы әңгімелеп, кітап оқудың адам өміріндегі рөліне тоқталды. Кітаптың білім көзі, рухани байлықтың негізі және ой-өрісті кеңейтудің маңызды құралы екенін атап өтті.

Сонымен қатар қатысушыларды кітап оқуға, білімдерін жетілдіруге, дүниетанымдарын кеңейтуге және үнемі ізденісте болуға шақырды.

Іс-шараға Мағжан Жұмабаев ауданының Мамандандырылған күзет қызметінің қызметкерлері, сондай-ақ «Ақ жаулық» және «Алтын күз» клубтарының мүшелері қатысты.

Кездесу жылы әрі достық атмосферада өтті. Қатысушылар кітап оқудың маңызы туралы пікір алмасып, республикалық марафонның мақсаттарымен танысты.

Қонақтардың тағылымды ойлары мен өмірлік тәжірибелері жиналғандарға шабыт беріп, кітап оқуға деген қызығушылықтарын арттырды.

Іс-шара оқуды насихаттауға, кітаптың қоғамдағы рөлін арттыруға және әртүрлі буын өкілдерінің әдебиетке деген қызығушылығын қалыптастыруға бағытталды.

Өйткені оқитын ұлт — білімді, рухани бай және болашаққа ұмтылған қоғам!