Орталық аудандық кітапхананың кітапханашылары А. Раскулова мен М. Туякова молшылықтың, береке-бірліктің және қонақжайлылықтың басты символдарының бірі — Нан күніне орай «Нанға бас иейік» атты халықтық дәстүрлер кешін өткізді.

Іс-шараның қонақтары қалалық ардагерлер кеңесінің төрайымы Л. М. Егорычева, сондай-ақ «Ақ жаулық» және «Алтын күз» клубтарының мүшелері болды.

Кездесу барысында қатысушылар нанның адам өміріндегі маңызы туралы әңгімелеп, нанды қадірлеуге және диқаншылардың еңбегін құрметтеуге байланысты халықтық әдет — ғұрыптар мен дәстүрлерді еске алды.

Іс-шара бағдарламасы қызықты ойындар мен байқауларға толы болды. Қатысушылар «Бауырсақты бер», «Нан туралы сұрақтар» викторинасына және «Әженің алтын қолдары» байқауына қатысты.

Қонақтар ребустарды қызығушылықпен шешіп, сұрақтарға жауап берді, сүйікті рецептілерін еске түсіріп, үй тағамдарын дайындаудың құпияларымен бөлісті.

Әсіресе ұрпақтан ұрпаққа жалғасып келе жатқан отбасылық аспаздық дәстүрлер туралы әңгіме кездесуге ерекше жылылық сыйлады.

Келушілер назарына нанға, диқаншылардың еңбегіне, қонақжайлылық дәстүрлеріне және дастарқанымыздың басты асына құрметпен қарауға арналған «Берекелі дастарқан, қасиетті нан» атты кітап көрмесі ұсынылды.

Іс-шара жылы әрі шынайы көңіл күйде өтіп, қатысушыларға жағымды әсер сыйлады және өзара пікір алмасуға, тәжірибе бөлісуге тамаша мүмкіндік берді.