7 қазан күні Орталық кітапхананың кітапханашылары А. Раскулова және М. Туякова «Ақ жаулық» және «Алтын күз» клубтарының мүшелеріне арналған «Өмір даналығы — жанның жастығы» атты көңіл көтеру кешін өткізді.

Кездесу жылы әрі көтеріңкі көңіл — күйде өтті. Қатысушылар жақсы демалып, өзара әңгімелесіп, тапқырлықтарын, есте сақтау қабілеттерін, шапшаңдықтары мен әзіл-қалжыңдарын көрсетті.

Қонақтарға қызықты әрі көңілді ойындар ұйымдастырылды:

«Ребус» — қатысушылар қызықты тапсырмаларды шешті.

«Қимылды қайтала да, досыңа көрсет» — зейін мен есте сақтау қабілетін дамытуға арналған ойын.

«Орныңда қимылда. Бәріміз билейміз!» — қатысушыларға көтеріңкі көңіл-күй мен сергектік сыйлады.

«Сөзді есте сақта да, жаз» — есте сақтау мен зейінділікті сынайтын ойын.

Кеш барысында қатысушылардың белсенділігі, көтеріңкі көңіл — күйі мен әр ойынға қызығушылықпен қатысқаны ерекше қуаныш сыйлады.

Кездесу соңында барлық қатысушыларға естелік сыйлықтар табысталды.

Осындай кездесулер жасқа қарамастан, қуанышқа, жақсы қарым-қатынасқа және жаңа әсерлерге әрдайым орын бар екенін көрсетеді.

Өмір даналығы жылдармен келеді, ал жанның жастығы мейірімділік, достық, қозғалыс пен көтеріңкі көңіл-күй арқылы сақталады!