2026 жылғы 28 сәуірде М. Жұмабаев ауданының тарихи-өлкетану музейінде «М. Жұмабаев ауданының орталықтандырылған кітапханалар жүйесі» КММ Кітапханашылар күніне арналған «Кітапхана – мәдениет пен білім орталығы» атты мерекелік семинар өткізді.

Іс-шараға М. Жұмабаев ауданы әкімінің әлеуметтік мәселелер жөніндегі орынбасары А.С. Шарипов, «Аманат» партиясы аудандық филиалының хатшысы К.Т. Сматов, тарихи-өлкетану музейінің директоры С.Т. Жумагулов, сондай-ақ аудан кітапханашылары қатысты.

Ресми бөлімді аудан әкімінің орынбасары А.С. Шарипов ашты.

Өз сөзінде ол кітапханалардың қоғам өміріндегі маңызды рөлін атап өтіп, кітапханашыларды білімнің насихаттаушылары, ұлттық мәдениет пен рухани құндылықтардың сақтаушылары ретінде ерекше бағалады.

Азамат Сайранұлы кітапхана қызметкерлеріне күнделікті еңбегі, шыдамдылығы, бастамашылдығы және ағарту ісіне адалдығы үшін алғыс білдірді.

Іс-шара аясында үздік шыққан аудан кітапханашыларын марапаттау рәсімі өтті.

Жоғары марапаттарға ие болғандар:

• «Қазақстанның құрметті кітапханашысы» төсбелгісі — Гуляева О.М. – Пулеметов ауылдық кітапханасының кітапханашысы
• М. Жұмабаев ауданы әкімінің Құрмет грамотасы — Брух И.П. – аудандық балалар кітапханасының кітапханашысы
• Жуматаева А.М. – Возвышен ауылдық кітапханасының кітапханашысы
• Жаксимбетова С.Т. – Чистов ауылдық кітапханасының кітапханашысы
• Каюпова Ж.С. – Құралай ауылдық кітапханасының кітапханашысы
• Туякова М.Н. – орталық аудандық кітапхананың қызмет көрсету бөлімінің кітапханашысы

Әрбір марапат – үлкен үлестің, күнделікті еңбектің, кәсібиліктің және кітапхана ісіне деген сүйіспеншіліктің белгісі. Бұл – кітапханалардың және кітап пен оқырманға қызмет етіп жүрген жандардың еңбегінің маңыздылығын мойындау.

Салтанатты бөлімнен кейін бекітілген жоспарға сәйкес «Туған өлке шежіресі: кітапханадағы өлкетану жұмысы» тақырыбында жұмыс семинары өтті.

Баяндамамен әдіскер О.Д. Жигаева сөз сөйлеп, аудан кітапханаларындағы өлкетану жұмысының негізгі бағыттарын, жергілікті материалдармен жұмыс түрлерін және оқырмандар арасында өлкетану білімдерін насихаттаудың заманауи тәсілдерін таныстырды.

Тәжірибелерімен Байтерек ауылдық кітапханасының кітапханашысы Выходцева О.В. және Возвышен ауылдық кітапханасының кітапханашысы Жуматаева А.М. бөлісті. Олар өз сөздерінде өлкетану жұмысын қазіргі заман талабына сай жүргізу тәжірибесін айтып, презентациялар дайындауда, бейнероликтерді дыбыстауда және ақпараттық контент әзірлеуде жасанды интеллект құралдарын қолдану тәжірибесін атап өтті.

Іс-шара соңында семинар қатысушылары үшін М. Жұмабаев ауданының тарихи-өлкетану музейінің залдары бойынша экскурсия ұйымдастырылып, олар туған өлкенің тарихы мен мәдени мұрасын танытатын экспозициялармен танысты.