16 қазанда Дүниежүзілік нан күні атап өтіледі. Нан — адамдардың өмірінің, денсаулығы мен әл-ауқатының символы, табиғат пен адам еңбегінің ең көне және таңғажайып өнімдерінің бірі.

Орталық аудандық кітапхананың кітапханашылары аудандық мәдениет үйінің қызметкерлерімен бірлесіп «Масақтан нанға дейін» іс-шарасын өткізді. Іс-шараға  «Северяндар», «Алтын күз», «Ақ жаулық» клубтарының мүшелері, аудандық және қалалық ардагерлер кеңесінің мүшелері шақырылды. Құттықтау сөздері қалалық ардагерлер кеңесінің төрағасы Л.М. Егорычеваға және клуб басшыларына берілді. Аудандық мәдениет үйінен Д. Сұрағанова, Қ.Такибаева, О. Жамбыл және А.Бейсееваның орындауында музыкалық әндер шырқалды. Бағдарламаға қатысушылар нан-тоқаш өнімдерінен көрме ұйымдастырды. Іс – шараға «Жердің кереметі-нан» атты кітап көрмесі дайындалды. Кездесу тәтті шай ішумен аяқталды.