«Ұрпақтар жадындағы естелігі» атты бейнеролик-таймлайн Әлихан Бөкейханның туғанына 160 жыл толуына орай дайындалған, жасанды интеллект технологияларын қолдану арқылы жасалған заманауи мультимедиялық жоба болып табылады. Бейнероликтің негізін көрнекті тұлғаның өмірі мен қызметіндегі маңызды оқиғалардың хронологиялық тізбегі құрайды. Жасанды интеллекттің көмегімен тарихи бейнелер визуализацияланып, мұрағаттық фотосуреттер «жанданып», дәуірдің маңызды сәттері қайта жаңғыртылды. Бұл материалдың мазмұнын көрнекі әрі әсерлі етуге мүмкіндік берді. Бейнеролик қысқаша түсіндірмелермен, даталармен және деректермен сүйемелденіп, Әлихан Бөкейханның қазақ мемлекеттілігінің дамуына, ғылым мен қоғамдық ойдың қалыптасуына қосқан үлесін ашады.