Ауыл шаруашылығы қызметкерлері күніне орай Орталық аудандық кітапхананың кітапханашысы «Еңбек адамдары — халық мақтанышы» атты диалог алаңын өткізді. Іс-шараның қонағы — механизатор С.М. Ибраев болды.

Кездесу барысында ауыл шаруашылығы қызметкерлерінің ауыр да абыройлы еңбегі, механизатор мамандығының маңыздылығы және оның аграрлық саланы дамытудағы рөлі туралы әңгіме өрбіді.

С.М. Ибраев өзінің кәсіби тәжірибесімен бөлісіп, жұмысының ерекшеліктері, күнделікті еңбек жолы, жауапкершілігі мен туған жерге деген сүйіспеншілігі туралы баяндады.

Іс-шара ауыл шаруашылығы еңбегінің маңыздылығын атап өтіп, күнделікті адал еңбегімен туған өлкенің дамуына үлес қосып жүрген еңбек адамдарына құрмет көрсетуге арналды.

Өйткені осындай еңбекқор жандар — халқымыздың нағыз мақтанышы!