29 қыркүйекте КММ «Солтүстік Қазақстан облысы Мағжан Жұмабаев ауданының орталықтандырылған кітапхана жүйесінде» жазғы оқу кезеңіндегі кітапханалардың жұмысын талдауға арналған директордың қатысуымен кеңес өтті.

Жазғы кезеңде аудан кітапханаларында балалар мен жасөспірімдерге арналған түрлі іс-шаралар ұйымдастырылды: дауыстап оқу, әдеби саяхаттар, викториналар, байқаулар, танымдық әңгімелер, ойын бағдарламалары, әдебиеттерге шолулар және кітап көрмелері.

Кеңес барысында балалар кітапханаларының, Ұзынкөл ауылдық кітапханасының, Надеждинка ауылдық кітапханасының, Полтавка ауылдық кітапханасының және Сарытомар ауылдық кітапханасының кітапханашылары тыңдалып, олар атқарылған жұмыстарымен бөлісті, өткізілген іс-шаралар, жас оқырмандардың белсенділігі және кітапты насихаттаудың сұранысқа ие түрлері туралы баяндады.

Талқылау барысында балаларды жүйелі түрде кітап оқуға тартуға, каникул кезінде олардың мазмұнды бос уақытын ұйымдастыруға, оқырмандармен жеке жұмыс жүргізуге және кітапты насихаттаудың заманауи түрлерін пайдалануға ерекше көңіл бөлінді.

Кеңес тәжірибе алмасу және алдағы жұмыс бағыттарын талқылау алаңына айналды. Жазғы кезеңде сынақтан өткен тиімді жұмыс түрлері мен үздік идеялар жас оқырмандармен алдағы жұмысты жоспарлау кезінде ескерілетін болады.