Іс-шараның мақсаты – кітап пен оқуды насихаттау, ұлттық мәдениетке, тарихқа және халықтың рухани мұрасына құрмет тәрбиелеу, сондай-ақ әдебиетке деген сүйіспеншілік арқылы ұрпақтар сабақтастығын нығайту.

Кездесу барысында қатысушылар Қазақстандағы Ұлттық кітап күнінің пайда болу тарихымен танысып, кітаптың адам өміріндегі және қоғамдағы маңызы туралы мағлұмат алды. Сонымен қатар ұлттық дәстүрлер мен құндылықтарды сақтауда әдебиеттің алатын орны ерекше айтылды.

Шара барысында қазақстандық жазушылар мен ақындардың шығармалары таныстырылып, олардың елдің рухани мәдениетін дамытуға қосқан үлесі атап өтілді. «Золотая осень» және «Ақжаулық» клубтарының мүшелері белсенді қатысып, жастық шақтағы сүйікті кітаптарымен бөлісті, отбасылық кітап оқу дәстүрлері туралы әңгімеледі, өлеңдер оқып, кітап туралы ұлы тұлғалардың нақыл сөздерін еске алды.

Кездесу соңында қазақ әдебиетінің классикалық және заманауи шығармалары, халықтың мәдениеті, тарихы мен салт-дәстүрлері туралы кітаптар қойылған тақырыптық кітап көрмесі ұйымдастырылды.

Бұл іс-шара кітап мерекесіне айналып, әр буын өкілдерін біріктіріп, кітаптың – ұлттың рухани байлығы және өткен мен бүгінді, болашақты жалғаушы алтын көпір екенін тағы бір мәрте дәлелдеді.