2026 жылғы 23 маусымда «Профи» жас кітапханашылар мектебінің жоспарына сәйкес кітапхана жүйесінің жас кітапханашыларымен «Кітапханашыға арналған жаңа дағдылар» атты шеберлік сабағы өткізілді.

Іс-шара барысында бұқаралық жұмыстарды ұйымдастыру, кітап көрмелерін рәсімдеу, кітапхана қорын сақтау, сондай-ақ кітапхана қызметінің басқа да өзекті бағыттарына қатысты мәселелер қарастырылды.

Әдіскер Жигаева О.Д. кітап көрмелерін безендірудің заманауи тәсілдері, тақырыптық сөрелік көрмелерді ұйымдастыру ерекшеліктері, ақпараттық материалдарды орналастыру ережелері және оқырмандардың кітап қорына қызығушылығын арттыру жолдары туралы баяндады.

Сонымен қатар бұқаралық іс-шараларды дайындау және өткізу ерекшеліктері: тақырып пен өткізу түрін таңдау, сценарий жоспарын құру, аудиторияны тарту әдістері, әртүрлі жас санатындағы оқырмандармен жұмыс барысында ойын, танымдық және интерактивті элементтерді қолдану мәселелері қарастырылды.

Кітапханашылар кітапхана құжаттамасын жүргізу технологиясы, кітап қорымен жұмыс жасау мәселелері бойынша туындаған сұрақтарды талқылап, кәсіби тәжірибелерімен алмасты, сондай-ақ әдеби сағаттар, викториналар, танымдық бағдарламалар, тақырыптық кездесулер және бұқаралық жұмыстың басқа да түрлерін ұйымдастыру бойынша ұсыныстар алды.

Шеберлік сабағы іскерлік әрі достық атмосферада өтті. Жас кітапханашылар өздерінің болашақ кәсіби қызметіне қажетті пайдалы ұсыныстар мен әдістемелік көмек алды.