9 ақпанда Қазақстанның құқықтық жүйесі мен мемлекеттілігінің қалыптасуына елеулі үлес қосқан көрнекті ғалым-заңгер, академик, заң ғылымдарының докторы, қоғам қайраткері Салық Зимановтың туғанына 105 жыл толады.

Атаулы күнге орай Орталық аудандық кітапхананың кітапханашысы М. Тұяқова жасанды интеллект көмегімен «Тарихи тұлға» саясат сабағын дайындады.

Сабақтың мақсаты – қатысушылардың Қазақстан тарихы мен құқықтық ойына деген қызығушылығын арттыру, С. Зимановтың өмірі мен ғылыми мұрасы туралы білімдерін кеңейту, азаматтық ұстанымды қалыптастыру, мемлекеттің тарихындағы тұлғаның рөлін терең түсіндіру, сондай-ақ кітапханалық-ағартушылық қызметте жасанды интеллекттің заманауи мүмкіндіктерін таныту.