Оразаны ашу мейрамы 2025 жылы мұсылмандар 30 наурызда тойлай бастады. Ораза-байрам дінді ұстанушылар ораза ұстаған қасиетті Рамазан айының аяқталуын білдіреді. Айт мейрамы ағайын арасын жақындатады. Өйткені Ораза айт күндері әрбір мұсылманның шаңырағында бауырсақ пісіріліп, ет асылып, мерекелік дастарқан жайылады. Туған-туысқан, көрші-қолаң бір-біріне қонаққа барып, Айт мерекесімен құттықтайды, сыйлық береді. "Ораза айт қабыл болсын!", - деп жылы лебіздерін білдіреді. Ал ренжісіп қалған ағайын-туыс, жора-жолдас бір-бірінен кешірім сұрап, өкпе-назын ұмытады.