«Наурыздың алғашқы хабаршысы Көрісу күні – Амал мерекесі»

14 наурыз күні Орталық аудандық кітапхана қызметкерлері «Аманат» тобының мүшелерімен бірлесе Наурызнаманың бірінші күні «Наурыздың алғашқы хабаршысы Көрісу күні – Амал мерекесі» іс- шарасын өткізді. Көрісу күнінде халық қыстан аман - есен шыққанына қуанып, бір - бірімен қол алысады. Бұл күні барлық өкпе - реніш ұмытылып, кешіріледі.Таң сібірлеп атысымен, көрісу мерекесін асыға күтіп отырған әрбір отбасы дастарханын жаяды. Міндетті түрде бауырсақ пісіріп, дастарханға тәттісін үйіп қояды. Мерекенің басында «Аманат» тобы көңілді ән орындап, шашуымен іс-шараны бастады. Осы мерекеге Мағжан Жұмабаев аудандық ардагерлер кеңесі төрағасының орынбасары С.Қ.Ысқақов, М. Жұмабаев ауданының ішкі саясат, мәдениет және тілдерді дамыту бөлімінің басшысы С. Е. Нұрқайдарова, қалалық аудандық ардагерлер кеңесінің төрағасы Л.М.Егорычева, «Алтын күз» клубының төрағасы Л.Ф.Бенц, С.Д. Кузменконың басшылығымен «Булаев-Мағжандықтар» тобының мүшелері қонаққа шақырылып, өз құттықтау сөздерін айтып, әнмен жалғастырды. сонымен қатар «Аманат» шығармашылық клубы «Попурри» орындады. Қызықты көңіл көтеру кезінде барлығы Наурыз-көжеден дәм татып, тәттілермен, бауырсақпен ыстық шай ішті.

 

14.03.2025
Қаралым саны: 40
Официальный интернет-ресурс Северо-Казахстанской областиАкимат города ПетропавловскПремьер Акорда Қазақстан Республикасы Сыртқы істер министрлігі «БЖЗҚ» АҚ Antikor ӘділетКазконтент