Оқу баланың өмірінде маңызды орын алуы керек. Орталық аудандық кітапхананың кітапханашылары отбасын қолдау мақсатында «Ажырамас достар, әке, ана, кітап және мен» атты отбасылық оқу сағатын ұйымдастырды. Кітаппен таныстыру — баланы көркемдік және эстетикалық тәрбиелеудің негізгі міндеттерінің бірі. Баланы әлемдік әдебиеттің ең жақсы үлгілерімен таныстыру өмірдің алғашқы жылдарынан басталуы керек. Балаға кітап ашу арқылы сіз оған әлемді ашасыз. Сіз оны мүмкіндігінше ойлануға, ләззат алуға және білуге мәжбүр етесіз. Сіз оған мектепте жақсы оқуға көмектесесіз. Отбасылық оқу бұл ұжымдық қарым —қатынастың ең жақсы түрі. Отбасы, оның ішіндегі мәдени қатынастар баланың оқырман ретіндегі жолын анықтайды.